Uıymdardyń erejelerge sáıkestigin tekserý sharalary ázirlenip jatyr.
Oqý-aǵartý mınıstrligi Petropavldaǵy mektepte bolǵan tótenshe jaǵdaıdan keıin Qazaqstannyń barlyq balabaqshalarynda beınebaqylaý kameralary tekseriletinin málimdedi, - dep habarlaıdy Almaty-akshamy.kz
Oqý-aǵartý mınıstrligi Mektepke deıingi bilim departamentiniń dırektory Natalá Jumadildaeva mınıstrlik beınebaqylaý kameralary men balalardy qorǵaýdyń basqa da quraldary joq mektepke deıingi uıymdardy anyqtaıtynyn, mınıstrdiń bergen buıryǵynda beınebaqylaý kameralarynyń úlgisi qandaı bolýy kerek degen talaptardyń barlyǵy kórsetilgenin aıtty.
"Ókinishke qaraı, búgingi kúni bul talaptardy barlyq uıymdar oryndaı bermeıdi. Árıne, mektepke deıingi uıymda jumys isteıtinderdiń barlyǵy osy tekseristen keıin sabaq alady. Baqylaý máselesine kelsek, bizdiń tarapymyzdan barlyq mektepke deıingi uıymdardyń barlyq erejelerge sáıkestigin tekserý sharalary ázirlenip jatyr", - dedi Jumadildaeva.
Onyń aıtýynsha, beınebaqylaý kameralary joq uıymdar anyqtalǵannan keıin árbir uıymnyń balalardy qaýipsiz kútip-baptaýyn qamtamasyz etý sharalary ázirlenetin bolady.
"Biz mektepke deıingi uıymdardyń bólimderine jáne menshik túrine qaramastan barlyq talaptarynyń oryndalýyn talap etemiz. Óıtkeni áńgime balalardyń qaýipsizdigi, ómiri týraly bolyp otyr", - dep jaýap berdi ol.