Qazirgi tańda atom elektr stansıasyn (AES) salý máselesi tek Qazaqstanda ǵana emes, álemniń kóptegen elderinde qaralyp, mańyzdy sheshimder qabyldanýda.
Bizdiń de jylý elektr stansıalarymyzdyń kóbi eskirgen. Ekibastuzdaǵy jaǵdaıdy eske túsirsek, qystyń qatal kúnderinde halyq jylýsyz qaldy. Osy sebepti, eldegi elektr tapshylyǵyn sheshý úshin atom elektr stansıasyn salý ózekti máselege aınalyp otyr.
Qýat kózderine degen suranys jyl ótken saıyn artyp keledi. Ekonomıka damyp, halyqtyń sany ósken saıyn energıanyń tapshylyǵy qatty sezilýde.
Álemniń damyǵan jáne damýshy 30 memleketinde 200-den astam atom elektr stansıasy jumys istep tur, kórshiles Reseıde de 36 AES bar. Bul – bolashaqtaǵy elektr tapshylyǵyn boldyrmaý úshin mańyzdy qadam.
6 qazanda osy máselege qatysty jalpyhalyqtyq referendým ótedi. Bul – halyqtyń tikeleı qatysýymen qabyldanatyn sheshim. Ár azamat oılanyp, durys sheshim qabyldaýy qajet. Referendýmnyń qorytyndysy elimizdiń bolashaǵyna áser etetinin esten shyǵarmaýymyz kerek. Halyqtyń erki men qalaýy – basty másele. Bul saıası sheshimniń máni osynda.