Qazaqstanda atom elektr stansıasyn salýdy qoldaıtyn Halyqtyq shtab aımaqtardaǵy kezdesýlerin jalǵastyrýda. Kezekti saparymyz Qostanaı oblysynda ótti, munda stýdentterden bastap energetıka salasynyń mamandaryna deıingi aımaq turǵyndarymen mańyzdy talqylaýlar uıymdastyryldy.
Kezdesýlerdiń biri Rýdnyı ındýstrıaldyq ýnıversıtetinde ótti. Bul sharaǵa 100-den astam stýdentter men oqytýshylar qatysyp, referendýmǵa shyǵarylǵan másele boıynsha pikirlerin bildirdi. Jastar óz suraqtaryn qoıyp, qyzyǵýshylyqtaryn tanytty. Biz, májilismender men sarapshylar, bul máseleniń eldiń bolashaǵy úshin strategıalyq mańyzdylyǵyn erekshe atap óttik.
«Qazaqstanda atom elektr stansıasyn salý – elimizdiń energetıkalyq qaýipsizdigin nyǵaıtýǵa baǵyttalǵan eń aýqymdy jobalardyń biri. Atom energetıkasynyń bolashaǵy – sizderdiń bolashaqtaryńyz. Jas ınjenerler men mamandar osy salanyń negizin qalaýshylar bolady. Qazaqstandaǵy AES myńdaǵan jańa jumys oryndaryn ashyp, tehnologıalyq ınovasıalarǵa múmkindik beredi. Globaldy turǵyda mundaı elektr energıasynyń kózi eldegi elektr tapshylyǵyn azaıtyp, ınvestısıalyq qyzyǵýshylyqty arttyryp, ekonomıkanyń ósýine qýatty serpin beredi», – dep atap óttim.