2024 jylǵy Talasbek syılyǵynyń laýreattary belgili boldy. Bul mádenı shara qazaq ádebıeti men kúı óneriniń shoqtyǵy bıik týyndylaryn dáripteýge arnalǵan erekshe keshpen este qaldy. Kúı men poezıa salasyndaǵy shyǵarmashylyqtyń tamasha kórinisi retinde ótken bul sharaǵa qatysýshylardyń, demeýshilerdiń jáne uıymdastyrýshylardyń eńbegi zor, dep habarlaıdy aqshamnews.kz.
Shara barysynda kúı ónerine erekshe mán berildi. Talasbek Ásemqulov atyndaǵy IV Respýblıkalyq kúıshiler baıqaýyna qatysqan ádebıetshiler men dombyrashylardyń óneri kórermenderge áserli sátter syılady. Baıqaýdyń jeńimpazdary retinde İlıas Tursynbek (1-oryn), Arman Janybekov (2-oryn), Qaırolla Suńqar (3-oryn) marapattaldy.
«Talasbek» syılyǵynyń «Úzdik ádebı týyndy» nomınasıasy boıynsha jeńimpaz atanǵan Toqtaráli Tańjaryqtyń "Sen osy qalada júrgen sekildisiń" atty óleńi poezıa áleminiń jańa belesine shyqty. Bul shyǵarmaǵa qazylar alqasy erekshe baǵa berip, ony poezıanyń bıik deńgeıine teńedi. Máselen, Zıra Naýryzbaeva Toqtarálidiń týyndysyn "tórt satydan ótken, bir romannyń júgin arqalaǵan dúnıe" dep baǵalasa, Madına Omarova "joǵary deńgeıdegi poezıa úlgisi" dep tanydy.
Toqtaráli Tańjaryqtyń bul óleńi qalamgerdiń kúrdeli ári tereń shyǵarmashylyq álemin kórsetedi. Onyń shyǵarmalary oqyrmandy oılanýǵa, álemdi basqa qyrynan qaraýǵa jeteleıdi. Jasampazdyq pen shyǵarmashylyq rýhty beınelegen bul kesh qazaq ádebıeti men kúı ónerin nasıhattaý jolyndaǵy mańyzdy qadam boldy.
Sharaǵa qatysýshylardyń, uıymdastyrýshylardyń, kórermenderdiń jáne qonaqjaılylyq tanytqan kitaphana ujymynyń eńbegi eleýli úles qosty.