Elbasyny jańa qyzmetke Qasym-Jomart Toqaev usyndy
Nursultan Nazarbaev Azıadaǵy ózara yqpaldastyq jáne senim sharalary jónindegi keńestiń Danalar keńesiniń basshysy qyzmetine usynyldy, dep habarlaıdy Almaty-akshamy.kz
Egemen.kz basylymynyń jazýynsha, bul bastamany QR Syrtqy ister mınıstriniń orynbasary Aqan Rahmetýllın Nur-Sultanda ótken syrtqy ister mınıstrleriniń kezdesýinde aıtty.
«Búgin Danalar keńesi týraly erejeni qabyldaýymyz kerek. Múshe memleketter konsýltatıvti-keńesshi organ qurýdy qoldady jáne múshelikke kandıdattardy usyna bastady. Búgin Danalar keńesi týraly erejeni bekitemiz. Tańerteń kezdesýde Prezıdent Qasym-Jomart Toqaev Nursultan Nazarbaevty AÓSSHK jetekshiligine kandıdat retinde usyndy. Bárińiz bul kandıdatýrany qoldaısyzdar dep úmittenemin», - dedi Rahmetýllın.
Azıadaǵy ózara yqpaldastyq jáne senim sharalary jónindegi keńes – Azıa qurlyǵy memleketterin biriktiretin halyqaralyq forým. Negizgi mindeti – turaqtylyq pen qaýipsizdikti qamtamasyz etý maqsatynda Azıa memleketteri arasyndaǵy qarym-qatynas pen yntymaqtastyqty nyǵaıtý.
Kezdesýdi shaqyrý ıdeıasyn alǵash ret Nursultan Nazarbaev 1992 jyly qazanda BUU Bas Assambleıasynyń 47-sessıasynda usynǵan bolatyn.