Nátıjesinde úsh aýysymdy mektepter joıylady dep kútiledi
Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym mınıstri Asqat Aımaǵambetov 2025 jylǵa qaraı shaǵyn qalalarda, aýdan ortalyqtarynda jáne aýyldarda 5000 mektep jańǵyrtylatynyn málim etti, dep habarlaıdy Almaty-akshamy.kz
«Mektepterdi jaıly, qaýipsiz jáne zamanaýı bilim berý ortasymen qamtamasyz etýge toqtalsaq, oqýshy oryndarynyń tapshylyǵyn joıý úshin 2025 jylǵa qaraı 1000 mekteptiń qurylysy josparlanýda.
Nátıjesinde úsh aýysymdy mektepterdi tolyǵymen joıý kútilýde. 2025 jylǵa qaraı shaǵyn qalalarda, aýdan ortalyqtarynda jáne aýyldarda 5000 mektep jańǵyrtylady. Onyń aıasynda balalarǵa qaýipsiz jáne qolaıly jaǵdaı jasaý, joǵary jyldamdyqty ınternetpen qamtamasyz etý, mektep jıhazyn jańartý, mektep kitaphanalaryn jáne asqanalardy jańǵyrtý, kúrdeli jáne aǵymdaǵy jóndeý jumystary júrgiziledi», - dedi A.Aımaǵambetov.
Onyń aıtýynsha, mektepterdiń 90%-y pándik kabınettermen jáne 100%-y qaýipsiz kirý, kúzet jáne baqylaý júıesimen qamtamasyz etiledi.
«Inklúzıvti ortada balalardy psıhologıalyq-pedagogıkalyq qoldaýmen qamtamasyz etý úshin erekshe qajettilikteri bar balalarǵa arnalǵan uıymdardyń jumys isteý normatıvin 50 myń balaǵa bir osyndaı ortalyq esebinen jańartý boıynsha jumys júrgiziletin bolady. Onyń nátıjesinde mundaı 43 ortalyq ashylady. Budan basqa, erekshe balalardy arnaıy psıhologıalyq-pedagogıkalyq qoldaýǵa memlekettik bilim berý tapsyrysy ornalastyrylatyn bolady», - dedi mınıstr.