Nur Otan partıasy Jastar qanatynyń Almaty qalalyq fılıalynyń tóraǵasy qala turǵyndaryn egý pýnktine barýdy keıinge qaldyrmaýǵa shaqyrdy.
Jas Otan Almaty qalalyq fılıalynyń tóraǵasy Nursultan Bekqaıyrovtyń qolynda vaksına pasporty bar. Ol otandyq vaksınanyń eki komponentin aldy jáne otandastaryn koronavırýstan qorǵanýǵa shaqyrady
Naýryz aıynda Jas Otan belsendileriniń qatarynda Nursultan Bekqaıyrov koronavırýsqa qarsy ekpe alý úshin «Mega» SOSO-ǵa keldi.
«Bizdiń úlken topta qarsy kórsetilimder bolǵan joq. Dárigerler men medbıkelerdiń jumysy tań qaldyrdy. Olar naýqastarmen jeke jumys istedi, qandaı janama áserler paıda bolýy múmkin ekenin aıtty, úsh kún ekpe salǵan jerge sý tıgizbeý qajet ekenin aıtty. Biz óz erkimizben QazVac vaksınasyna senim bildirdik. Dárigerler bizdiń vaksınanyń tanymal reseılik vaksınadan esh aıyrmashylyǵy joq ekenin túsindirdi», - dedi Nursultan Bekqaıyrov.
Nur Otan partıasy Jastar qanatynyń Almaty qalalyq fılıalynyń tóraǵasy qala turǵyndaryn egý pýnktine barýdy keıinge qaldyrmaýǵa shaqyrdy, óıtkeni barlyǵyna betperdeler men shekteýlersiz ádettegi ómir saltyna tez oralý mańyzdy.
«Biz vırýstyń taralýyn birge toqtatýymyz kerek. Muny tek vaksına alý arqyly jasaýǵa bolady. Men de, Jas Otan-daǵy áriptesterim de janama áserlerdi baıqamadyq. Men Qazaqstan ǵalymdaryna senemin, sondyqtan QazVac vaksınasyn saldyrdym. Árıne, ekpege deıin men de jalǵan aqparattardy estidim. Vaksına – qaýipsizdiktiń tıimdi quraly. Búkil órkenıetti álemde vaksına saldyrý ıdeıasy bar, óıtkeni bul indetti jeńýdegi eń tıimdi ádis», - dedi Nursultan Bekqaıyrov.