Almatylyqtarmen kóptegen máseleler boıynsha ınteraktıvti dıalog júrgizý úshin jalpy qalalyq alań retinde IAzamat qosymshasy iske qosyldy.
Búginde Almaty ákimdiginiń memlekettik qyzmetteriniń 90%-y elektrondy, qyzmettiń 150 túri eGov.kz jáne mobıldi qurylǵylar arqyly qoljetimdi.
Almaty qalasynyń ákimi Baqytjan Saǵyntaev «Almaty» TA-daǵy kezekti tikeleı efır barysynda azamattarmen keri baılanysty qamtamasyz etý úshin memlekettik qyzmetter men servısterdi sıfrlandyrý týraly aıtty, dep habarlady Almaty-akshamy.kz.
Budan ózge, «Estıtin memleket» qaǵıdatyn qamtamasyz etý maqsatynda Open Almaty qoǵamdyq qabyldaý jumys isteıdi. Ótken jyly 400 myńnan astam ótinish kelip tústi.
Aǵymdaǵy jyldyń 5 aıynda bilim berý, abattandyrý, kólik jáne jol máselelerine, karantındik shekteýlerge qatysty 71 myńnan astam ótinish kelip tústi.
«Estıtin memleket» qaǵıdaty aıasynda turǵyndardy qalany basqarýǵa tartý boıynsha «Búdjetke qatysý» jobasy iske asýda. 2021 jylǵa 795 usynys tústi, qorshaǵan ortany jaqsartý jáne aýmaqtardy abattandyrý jónindegi jobalardy qarjylandyrý boıynsha 28 myńnan astam daýys jınaldy.
Pandemıa kezinde barlyq sport nysandary, balalar úıirmeleri jáne jattyqtyrýshylardyń málimetteri sıfrlandyryldy. meteor.almaty.e-orda.kz balany olımpıada rezervi mektepterine, sport mektepteri men ınternattarǵa tirkeı alasyz. Portalda sporttyń 78 túri, 15-ten astam uıym, 855 jattyqtyrýshy-oqytýshy usynylǵan.