Nur Otan partıasy Almaty qalalyq fılıaly janyndaǵy Bilim men ǵylymdy damytý, Ult densaýlyǵy máseleleri, Óńirlik damý jáne Jastardy qoldaý jónindegi qoǵamdyq keńesteriniń birlesken otyrysynda qoljetimdi turǵyn úı jáne áleýmettik nysandar salý máseleleri qaraldy, dep habarlaıdy Almaty-akshamy.kz
Nur Otan partıasy qalalyq fılıaly tóraǵasynyń orynbasary Qaırat Bısembaev jastar men muqtaj otbasylardy turǵyn úımen qamtamasyz etý, sondaı-aq qalamyzda áleýmettik salany damytý máselelerine partıa basa nazar aýdaratynyn atap ótti.
«Elbasynyń tapsyrmasyna sáıkes, partıanyń saılaýaldy ýádeleriniń oryndalýyn júıeli baqylaýdy, búdjet qarajatynyń jumsalýynyń tıimdiligi men ashyqtyǵyn baqylaýdy qamtamasyz etý maqsatynda jyl basynda partıanyń janynan bilimdi damytý, densaýlyq, jastardy qoldaý jáne t.b. baǵyttar boıynsha 9 óńirlik keńes quryldy», - dedi Qaırat Bısembaev.
Almaty qalasy jaıly qalalyq orta basqarmasynyń basshysy S.Nurashev otyrysqa qatysýshylarǵa partıanyń saılaýaldy baǵdarlamalary men Jol kartasyn oryndaý boıynsha basqarmanyń 9 aıda atqarǵan jumysy týraly baıandap berdi. Óz baıandamasynda áleýmettik nysandar men turǵyn úı qurylysyn salý jáne qaıta qurý josparlary jónindegi esepti usyndy.
Jıynǵa qatysqan atqarýshy bılik organdary men keńesterdiń ókilderi qajetti jáne dereý sheshimder qabyldaýdy talap etetin ózekti máselelerdi talqylap, barlyq jumystardy josparlaý kezinde eń aldymen qala turǵyndarynyń múddelerin eskerý kerektigin aıtty.
Otyrysty qorytyndylaǵan moderator Qaırat Bısembaev basqarma ókiline bıylǵy jyly aıaqtalatyn nysandar qurylysynyń sapasyn qamtamasyz ete otyryp, qarqynyn údetýdi usyndy.
Sondaı-aq, kelesi jyldarǵa obektilerdi josparlaý jáne salý kezinde osy obektilerdiń tıimdiligi men áleýmettik mańyzdylyǵyn muqıat taldaý qajettigine nazar aýdardy.