Azamattarǵa turǵyn úı izdeýge kómek kórsetý úshin aǵymdaǵy jyldyń qarasha aıynda «Shańyraq» baǵdarlamasy boıynsha «Alma Sıtı-5» TK jáne «Mádenıet» TK salynǵan páterlerdi brondaýǵa ruqsat berýdi qamtamasyz etý josparlanýda, dep habarlaıdy Almaty-akshamy.kz
Bul týraly Otbasy, áıelder jáne balalardyń quqyqtaryn qorǵaý, ekologıa jáne jastardy qoldaý máseleleri jónindegi qoǵamdyq keńesterdiń birlesken otyrysynda qalalyq Turǵyn úı saıasaty basqarmasy basshysynyń orynbasary Ermek Ámirov habarlady.
«2021 jylǵy 13 qazandaǵy jaǵdaı boıynsha, 4 mlrd. teńge somasyna 271 kredıttik qaryz berildi», - dep habarlady E.Ámirov. Sondaı-aq, otyrysta jas otbasylardyń ómir súrý jaǵdaılaryn jaqsartý, ekologıalyq jaǵdaı jáne turǵyn úımen qamtamasyz etý máseleleri qozǵaldy.
Aǵymdaǵy jyldyń basynan «Nurly jer» turǵyn úı-kommýnaldyq damý memlekettik baǵdarlamasy boıynsha 60 kóp páterli turǵyn úıge kúrdeli jóndeý júrgizildi.
148 turǵyn úıde 2,5 mlrd.teńgege 315 lıft aýystyryldy, jyl sońyna deıin barlyq lıftilerdi aýystyrýdy aıaqtaý josparlanýda. Turǵyndardyń ómir súrýine qolaıly jaǵdaılardy qamtamasyz etý, qalanyń ekologıalyq jaǵdaıyn jaqsartý maqsatynda basqarma tarapynan keshendi jumystar júrgizilýde.
Qalada QTQ shyǵarýdy 25 qoqys shyǵarýshy uıym júzege asyrady. 2021 jyly Almaty qalasynyń aýmaǵynda 13 stıhıalyq qoqys orny der kezinde anyqtalyp, toqtatyldy.
Turǵyn úı saıasaty basqarmasy basshysynyń orynbasary óz baıandamasynda «Almaty jastary» tómen paıyzdyq mólsherlememen turǵyn úı baǵdarlamasyn iske asyrý boıynsha júrgizilip jatqan jumystar týraly aıtyp berdi. Qazirgi ýaqytta 13,8 mlrd.teńge somasyna 837 kredıttik qaryz berildi.
Búgingi tańda jumys isteıtin jastar úshin jalǵa beriletin turǵyn úı baǵdarlamasyn iske asyrý aıasynda «Alma Sıtı-5» TK 1 026 páterdi jáne «Mádenıet» TK 24 páterdi berý boıynsha jumystar júrgizilýde.
Qorytyndylaı kele, E.Ámirov turǵyn úı zańnamasynyń talaptaryna sáıkes, jetim balalarǵa komýnaldyq turǵyn úı qorynan halyqtyń áleýmettik osal toptaryna bólingen páterlerdiń jalpy sanynyń keminde 20%-y bólinetinin atap ótti.