Nur Otan partıasy AQF janyndaǵy Jumyspen qamtý jáne halyqtyń áleýmettik osal toptaryn qoldaý jónindegi aımaqtyq qoǵamdyq keńes otyrysynda Elbasymyz N.Á.Nazarbaevtyń tóraǵalyǵymen ótken Nur Otan partıasy Saıası keńesiniń keńeıtilgen otyrysynyń qorytyndysy men «Eldiktiń jeti tuǵyry» atty jıyntyq qaǵıdasyn Nur Otan partıasy Almaty qalalyq fılıaly tóraǵasynyń orynbasary Q.Bısembaev tanystyryp, egjeı-tegjeıli túsindirip ótti, dep habarlaıdy Almaty-akshamy.kz
Sonymen qatar, bekitilgen kún tártibine sáıkes, jalǵyz basty azamattarǵa kórsetiletin kómek pen olardyń jaǵdaıy týraly jáne osal toptaǵy azamattarǵa ataýly áleýmettik tólem, járdemaqy, shıpajaıǵa joldama jáne basqa da memleket tarapynan beriletin kómek týraly máseleleri boıynsha Almaty qalasy áleýmettik ál-aýqat basqarmasy basshysynyń orynbasary Jánibek Qarataev baıandama jasady.
Qalamyzda jalǵyz basty ardagerlerge, zeınetkerlerge, kútimge, turmystyq jáne medısınalyq qyzmet kórsetýge, áleýmettik-eńbektik beıimdeýge muqtaj múgedekterge stasıonar jaǵdaıynda qyzmet kórsetedi. Búgingi kúnde «Shańyraq» ortalyǵynda 257 adam turady. Ortalyqta fızıoterapıalyq, em-shara, stomatologıalyq kabınetter, eńbek terapıasy kabınetteri, sensorlyq bólme, massaj kabınetteri bar. Sondaı-aq pallıatıvtik bólim bar, onda ınsýlt, ınfarkt alǵan 87 adam jáne tirek-qımyl apparaty buzylǵan múgedekter táýlik boıy baqylaýda bolady.
Sonymen birge, jalǵyzbasty zeınetkerler, 1 jáne 2 toptaǵy múgedekter, zeınetkerlik jastaǵy jalǵyzbastylar úshin «Qamqor» áleýmettik úıi jumys isteıdi, onda 47 adam turady.
Ortalyq psıhologıalyq kómek, zań keńesteri, medısınalyq qyzmet kórsetý, aqparattyq-konsýltasıalyq qoldaý kórsetedi, bos ýaqyt ótkizý úıirmeleri, bilim berý kýrstary, kásibı trenıńter ótkizedi.
Az qamtylǵan halyq úshin áleýmettik tólemderdiń qarastyrylǵan 17 túri boıynsha búgingi kúnge 59,8 myń az qamtylǵan azamattar áleýmettik tólemder aldy.