Nurlyhan Sharhan Parıjde ótip jatqan Grand Slam jarysynyń qola júldesine ıe boldy. Ol álemdik jarystyń kishi fınalynda Aıh Danıelden (Shveısarıa) basym tústi, dep habarlaıdy almaty-akshamy.kz.
Nurlyhan Sharhan irikteý kezeńinde qarsylas shaq keltirmeı, óz tobynan úzdik shyqty. Ol alǵashqy aınalymda Natanıel Kıvany (AQSH), odan keıin álem reıtıńiniń úshinshi ornynda turǵan Nıderlandy sportshysy Maıkl Korreldi utty. Shırek fınalda Aleksandr Kýkoldy (Serbıa) qosymsha ýaqytta vazarı upaıymen utyp, jartylaı fınalǵa shyqty.
Jartylaı fınalda eki dúrkin álem chempıony ıspanıalyq Nıkoloz Sherazadıshvılımen kezdesip, qarsylasyna ese jibergen bolatyn.
Aıta keterligi, Parıjde ótip jatqan Grand Slam jarysyna álemniń 107 elinen 621 dzúdoshy qatysyp jatyr. Jarys jeńimpazyna álemdik reıtıńte 100 upaı, İİ orynǵa – 700, al İİİ orynǵa 500 upaıdan qosylady.