2023 jyldyń basynan bastap Almaty qalasynyń Saýda jáne tutynýshylardyń quqyqtaryn qorǵaý departamenti turǵyndardan kelip túsken 8 myńǵa jýyq ótinishti qarady. Jospardan tys tekserýler men zańgerlik keńes berý nátıjeleri boıynsha tutynýshylarǵa 223 929 mıllıon teńge qaıtaryldy. Bul derektermen Óńirlik komýnıkasıalar qyzmetiniń brıfıńinde Departament basshysynyń orynbasary Nurlan Ábdıev bólisti.
Ótinishterdi qaraý qorytyndysy boıynsha Departament 100 jospardan tys tekserý júrgizdi, 314 ákimshilik jaza qoldanyldy.
Eń kóp ótinishter bólshek saýda boıynsha kelip tústi.
Ótinishter sany boıynsha ekinshi oryn elektrondyq saýdaǵa tıesili. Tutynýshylardyń turmystyq qyzmetter, TKSH jáne bilim berý qyzmetteri salasyndaǵy quqyqtary jıi buzylady.
"Tutynýshylardyń quqyqtaryn qorǵaý salasyndaǵy negizgi buzýshylyq tutynýshynyń shaǵymyna 10 kúndik kúntizbelik merzimde jaýap bermeý, saýda salasynda - áleýmettik mańyzy bar azyq-túlik taýarlaryna zańnamada belgilengen saýda ústemesin buzý bolyp tabylady», - dedi N. Ábdıev.
İshki naryqta otandyq óndirýshini qorǵaýdy qamtamasyz etý jáne tutynýshylardyń quqyqtaryn qorǵaý maqsatynda «Sapaly ónim» áleýmettik jobasy sheńberinde jumys júrgizilýde.
Tutynýshylardyń quqyqtaryn qorǵaý salasyndaǵy qoǵamdyq birlestikterge qoǵamdyq monıtorıń sheńberinde taýarlardyń úlgilerin irikteý quqyǵyn berý, sondaı-aq olardyń belgisiz adamdar tobyn qorǵaýǵa qatysty talap qoıý múmkindigin engizý josparlanýda.
Qoǵamdyq birlestikterdiń qyzmetin ıntegrasıalaý sheńberinde tutyný naryǵyn qorǵaý múddesinde qalalyq ahýaldyq shtabtyń jumysy iske asyrylýda, oǵan tutynýshylardyń quqyqtaryn qorǵaý jónindegi qoǵamdyq birlestikter, memlekettik organdardyń ókilderi jáne bıznes sýbektileri kiredi.
«Sapasyz azyq-túlik taýarlaryn anyqtaý jáne olardy ótkizýdiń jolyn kesý maqsatynda Almaty qalasy boıynsha Tehnıkalyq retteý jáne metrologıa, sanıtarlyq - epıdemıologıalyq baqylaý, Saýda jáne tutynýshylardyń quqyqtaryn qorǵaý departamentteri ımporttyq azyq-túlik ónimderiniń tártibin, tamaq ónimderiniń qaýipsizdigi normalary men tehnıkalyq reglamentterdiń talaptaryna sáıkestigin zertteý maqsatynda monıtorıń júrgizýde», - dep bólisti ÓKQ spıkeri.
Sondaı-aq Departament qyzmetindegi basym baǵyt turaqty negizde júrgiziletin jáne onyń sheńberinde áleýmettik mańyzy bar azyq-túlik taýarlaryna baǵa belgileý týraly máseleler qaralatyn azyq-túlik taýarlaryna baǵa belgileýdiń barlyq tizbekteri boıynsha deldaldyq sqemalardy tergep-tekserý jónindegi komısıanyń otyrystaryn úılestirý jáne ótkizý bolyp tabylady.
ÓKQ spıkeri 2023 jyldyń qorytyndysy boıynsha 43 otyrys ótkizilgenin habarlady. Komısıa qyzmetiniń nátıjeleri boıynsha tıimsiz deldaldar túrindegi buzýshylyqtardyń, sondaı-aq saýda salasyndaǵy zańnamany buzýdyń 175 faktisi anyqtaldy jáne joıyldy. Josyqsyz kásipkerlerge qatysty 163 ákimshilik hattama jasaldy
«Usynylǵan materıaldardyń nátıjeleri boıynsha saýda salasyndaǵy zańnamany buzǵany úshin ákimshilik sharalar qabyldanady, sondaı - aq tutynýshylar úshin ónimniń túpkilikti quny tómendeıdi», - dep qorytyndylady ol.
Sondaı-aq, bul baǵyttaǵy jumys turaqty baqylaýda ekenin jáne áli de jalǵastyrylatynyn aıtty.