Qazaqstandyq Nurlan Isataev (55 keli) dzúdodan jasóspirimder arasynda álem chempıony atandy, dep habarlaıdy Almaty-akshamy.kz.
Horvatıa astanasy Zagrebte ótip jatqan jasóspirimder arasyndaǵy álem chempıonatynda Nurlan Isataev dzúdodan grýzıalyq Merabı Samadashvılımen kezdesip, qosymsha ýaqytta qarsylasynyǵ tizesin búkti.
Qazaqstandyq balýan jarysta irikteý kezeńinde Shahrýz Shanazarov (Túrkmenstan), Lıova Sparıan (Armenıa), Iang Jonatan (AQSH) sekildi qarsylastaryn aıqyn basymdyqpen jeńdi. Jartylaı fınalda taǵy bir otandasymyz Oralbek Baızaqtan basym tústi.
Al qyzdar arasynda 40 kelige deıingi salmaqta Sabına Iýldashbekova kúmis alsa, uldar arasynda Oralbek Baızaq qola júldeni enshiledi.
Elimizdiń jasóspirimder quramasy álem chempıonatynda 1 altyn, 1 kúmis jáne 1 qola júldemen medaldar kestesinde kósh bastap tur.
Jasóspirimder arasyndaǵy álem chempıonaty 27 tamyzǵa deıin jalǵasady.