Saıabaq aımaqtaryn salý jáne rekonstrýksıalaý obektilerin aralaý barysynda Almaty qalasy ákiminiń orynbasary Álisher Ábdiqadyrovqa Esentaı ózeniniń arnasy boıyndaǵy jaǵalaýdy ("Kókmaısa" sh/a, Jetisý aýdany) salý jobasynyń 80 paıyzǵa oryndalǵandyǵy týraly baıandaldy.
Búgingi tańda aǵashtardy sanıtarlyq kesý jáne alyp tastaý, kógaldandyrý, jıekterdi, porebrıkterdi ornatý, sýarý júıesiniń syrtqy jaryqtandyrý kabeli men qubyrlaryn tartý, rezervýardy, KSHP (kishi sáýlet pishinderi) jáne syrtqy jaryqtandyrý tirekterin ornatý, sport alańyn montajdaý jumystary aıaqtaldy.
Kelisim shart boıynsha jumystar 2022 jyldyń 30 tamyzynda aıaqtalýy tıis edi, alaıda merdiger uıymnyń jumystardy durys oryndamaýy saldarynan merzimder birneshe ret aýystyryldy. 2022 jylǵy 21 qyrkúıekte Almaty qalasy ekologıa jáne qorshaǵan orta basqarmasy sotqa talap aryz berýge bastamashylyq jasady, onyń qorytyndysy boıynsha merdiger uıym ("Jasyl el Qyrylys" JSHS) memlekettik satyp alýdyń josyqsyz qatysýshysy bolyp tanyldy. Almaty qalalyq sotynyń 23.02.2023 jylǵy qaýlysymen sheshim ózgerissiz qaldyryldy jáne zańdy kúshine endi.
Jumystyń qaldyq túrlerine lokaldi smetalyq esep jasaldy, jetkizýshini anyqtaýǵa ashyq konkýrs jarıalandy. Konkýrstyq rásimderdiń aıaqtalý merzimi 2023 jylǵy 29 tamyz, qurylys-montaj jumystarynyń aıaqtalý merzimi-2023 jylǵy 30 qarashaǵa deıin.
Osy merdigerlik uıymmen Túrksib aýdanynda kelisim shart buzyldy, onda "Jeltoqsan"saıabaǵyn abattandyrý jobasy boıynsha jumystardy aıaqtaý merzimderi de buzyldy. Qazirgi ýaqytta obektide syrtqy jaryqtandyrý kabeli men tirekterin, sýarý júıesiniń qubyrlaryn bólshekteý, kógaldandyrý, jabyndy tóseý, porebrık pen KSP-in ornatý, sport alańyn montajdaý jumystary júrgizildi. Nysannyń qurylysyn aǵymdaǵy jyldyń 30 qarashasyna deıingi merzimde ashyq konkýrstyń qorytyndysy boıynsha aıqyndalǵan "Intellekt KIPıA Servıs" JSHS aıaqtaıdy. Merdiger uıymǵa saıabaqty abattandyrý jumystaryn sapaly aıaqtaý tapsyryldy.