OSK kandıdat retinde tirkeýdi ýaqytsha toqtata turatynyn jetkizdi.
Ortalyq saılaý komısıasy prezıdent saılaýyna úmitker Nurjan Áltaevty kandıdat retinde tirkeýdi toqtatý jóninde sheshim qabyldady, dep habarlaıdy Almaty-akshamy.kz OSK saıtyna silteme jasap.
"Kandıdat Nurjan Baýyrjanuly Áltaevtyń QR Konstıtýsıasynda jáne QR "Saılaý týraly" zańda qoıylatyn talaptarǵa sáıkestigin anyqtaýdy toqtata turý jóninde sheshim qabyldadyq", - dedi ortalyq saılaý komısıasynyń tóraǵasy Nurlan Ábdirov.
Sondaı-aq, otyrys barysynda atalǵan sheshimge túsinik berilgen.
Saılaý komısıasynyń múshesi Shavkat Ótemisovtyń aıtýynsha, Nurjan Áltaevty "Muqalmas" respýblıkalyq qoǵamdyq birlestigi QR Prezıdenti saılaýyna kandıdat retinde usynyp otyr.
"Biz kandıdat tapsyrǵan qujattardy quzyrly organdarǵa jiberip sáıkestigin anyqtadyq. Keshe Astana qalalyq soty bizge N.Áltaevty kandıdat retinde qabyldaý týraly hattamany ýaqytsha toqtatý týraly uıǵarymyn usyndy. Sol sebepten ortalyq saılaý komısıasy Nurjan Áltaevty kandıdat retinde tirkeýdi ýaqytsha toqtata turady", - dedi Ortalyq saılaý komısıasynyń múshesi Shavkat Ótemisov.
Aıta keteıik, 7 qazanda Qazaqstan Respýblıkasynyń prezıdenttigine kandıdat retinde Nurjan Áltaev OSK-ǵa qujattaryn tapsyrǵan edi.