Otandasymyz qola júlde úshin baq synaıdy.
Tokıo Olımpıadasynda erkin kúresten 57 kelige deıingi salmaq dárejesinde jartylaı fınaldyq beldesýler bastaldy. Ókinishke qaraı, qazaqstandyq Nurıslam Sanaev jeńiliske ushyrady, dep habarlaıdy Almaty-akshamy.kz Olympic.kz-ke silteme jasap.
Jerlesimiz fınal joldamasy úshin talasta úndistandyq Ravı Kýmarmen beldesken bolatyn.
Qyzý tartysty kezdesýdi Nurıslam jaqsy bastady. Ol qarsylasyn birneshe ret aınaldyryp, 9:2 esebimen alǵa shyqqan. Biraq bul basymdyqty ol sońyna deıin saqtaı alǵan joq.
Beldesý kezinde Sanaev aıaǵynan kishigirim jaraqat alyp, keıin úndilik balýan ádiske kóshti. Nátıjesinde Ravı Kýmar Nurıslamdy taza jeńip, fınalǵa shyqty.
Endi Nurıslam Sanaev Olımpıadanyń qola medali úshin kúresedi.