Belgili kúıshi, sazger Nurǵısa Tilendıevtiń jary Darıǵa Tilendıeva qaıtys boldy.
Qaıǵyly habar Qurmanǵazy atyndaǵy Qazaq ulttyq halyq aspaptar orkestriniń áleýmettik jelidegi paraqshasynda jarıalandy, dep habarlaıdy aqshamnews.kz.
Qazaqstannyń eńbek sińirgen artısi, talantty aktrısa, kúıshi, sazger, Halyq qaharmany Nurǵısa Tilendıevtiń jary Darıǵa Tilendıevanyń ómirden ozýyna baılanysty qaıǵyra kóńil aıtamyz. Darıǵa Tilendıeva ulttyq mádenıetimizdiń damýyna súbeli úles qosqan kórnekti óner ıesi. Ol Halyq qaharmany, kúıshi-kompozıtor Nurǵısa Tilendıevtiń ómirlik jary ǵana emes, sazgerdiń shyǵarmashylyq murasyn saqtap, keıingi urpaqqa jetkizgen tulǵa boldy. Darıǵa Tilendıeva "Qazaqfılm" kınostýdıasynda túsirilgen "Alty jasar Alpamys", "Qulager", "Aq mashına", "Jambyldyń jastyq shaǵy", "Qoshtasqym kelmeıdi" syndy kórkem fılmderi arqyly, ulttyq kıno ónerinde óshpes iz qaldyrdy. Onyń óneri men rýhanı murasy qazaq halqynyń júreginde máńgi saqtalady, – dep jazdy orkestr ujymy.
Aıta keteıik, Nurǵısa Tilendıev pen Darıǵa Tilendikelini 1967 jyly Almatydaǵy kınostýdıada tanysqan eken. Sol sátte 42 jastaǵy aty áıgili mýzykant 19 jastaǵy órimdeı qyzdy birden unatyp, sezimin bildirgen. Kópshilikke tanymal "Kýá bol" áni – kompozıtordyń súıgen jaryna arnaǵan eń alǵashqy týyndysy.