Sot jer ýchaskesiniń jeke menshikke berilýin zańsyz dep tanyp, ony memleket menshigine qaıtardyǵ, dep habarlaıdy aqshamnews.kz.
Jer ýchaskesi munaı óńdeý zaýytyn qaıta qurý aıasynda memlekettik qajettilikter úshin alynýy josparlanǵan bolatyn. Alaıda, QR ASHM JRBK Shymkent qalasynyń Jer resýrstaryn basqarý departamentiniń jospardan tys tekserýi QR Jer kodeksiniń 48-babyn buzý arqyly jer ýchaskesi jeke menshikke berilgenin anyqtady. Atalǵan bapqa sáıkes, jer ýchaskelerin memleket tarapynan berý tek básekelestik negizde, ıaǵnı aýksıondar men konkýrstar arqyly júzege asyrylýy tıis.
Bul jaǵdaıda jer ýchaskesi qajetti rásimder ótkizilmeı berilgen, bul zańnamany tikeleı buzý bolyp tabylady.
Departamenttiń talabyn Shymkent qalasynyń mamandandyrylǵan aýdanaralyq ekonomıkalyq soty qanaǵattandyrdy. Sheshim zańdy kúshine endi.
Ýaqytyly qabyldanǵan sharalardyń arqasynda tek zańdylyqty qalpyna keltirip qana qoımaı, memlekettik búdjetten 164,2 mln teńge kóleminde negizsiz shyǵyndardyń aldyn alý múmkin boldy.