Naýryzdyń ekinshi senbisi - jerge ornalastyrý, geodezıa jáne kartografıa kúni. Kásibı merekege oraı jer salasynda talmaı eńbek etip júrgen jumysshy mamandar marapattaldy.
Shara Aýyl sharýashylyǵy mınıstrligi Jer resýrstaryn basqarý komıtetiniń bastamasymen S.Seıfýllın atyndaǵy Qazaq agrotehnıkalyq zertteý ýnıversıtetiniń qabyrǵasynda ótti, dep habarlaıdy aqshamnews.kz Aýyl sharýashylyǵy mınıstrligine silteme jasap.
Ashylýynda QR ASHM vıse-mınıstri E.Tasjúrekov, Qazaqstan Respýblıkasy Ulttyq ǵylym akademıasynyń akademıgi Z.Dúısenbekov, Parlament Májilisiniń depýtaty N.Áshimbetov quttyqtaý lebizderin jetkizdi.
«Sizderdiń biliktilikterińizdiń arqasynda jer resýrstaryn basqarý júıesi jetildirilip, turaqty damyp keledi. Zalda bolashaq jerge ornalastyrýshy, geodezıst jáne kartograf maman bolatyn stýdentter otyr. Sizder osy salanyń erteńi, elimizdiń bolashaǵysyzdar» - dedi Erbol Tasjúrekov.
Shara barysynda jer salasynda talaı jyl úzdiksiz qyzmet jasap kele jatqan mamandar eńbegi joǵary baǵalandy. Nátıjesinde, 17 azamat «Qurmetti jerge ornalastyrýshy» salalyq tósbelgisimen, 29 maman «Úzdik jerge ornalastyrýshy» Qurmet dıplomymen marapattaldy.