Qazaqstan Respýblıkasy Prezıdenti Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna kezekti ret joldanǵan Joldaýyna oraı Qazaqstan Jazýshylar Odaǵynda jıyn ótti.
Jıynǵa elge jáne alys-jaqyn shetelge áıgili aqyn-jazýshylar, mádenıet, til, ǵylym salasynyń maıtalmandary, zıaly qaýym ókilderi jáne t.b. qatysty.
Basqosýdyń maqsaty - eldegi ádil qoǵamnyń ornaýyna atsalysyp, halyqtyń áleýmettik-mádenı turmys sapasyn jaqsartý.
Jıyndy Qazaqstan Jazýshylar Odaǵynyń tóraǵasy Mereke Qulkenov júrgizdi.
Sonymen qatar jıynǵa qatynasýshylar Joldaýdyń halyqqa paıdaly jaqtaryn aıtyp, tıimdi tustaryn ortaǵa saldy. Elde elektr tapshylyǵyn sheshýge baǵyttalǵan Atom Elektr Stansıasyn salý jónindegi referendým týraly da oı qozǵaldy.
«Bul jolǵy Joldaý basqasynan ózgerek boldy. Sondaı-aq 9 basym baǵytqa qaraı negizdelgen. Ár salada sheshimin tabýy qajet dúnıeler bar. Osy jolǵy Joldaýda atalǵan máselelerge tolyq jaýap berilgen. Bizdiń qalamgerler osyndaıda ún qosyp, qoǵamdyq isterge belsendi bolǵanymyz jón. Sonymen qosa AES, referendým shet qalmaýy tıis. Bárimizge belsendilik kerek», - dedi Qazaqstan Jazýshylar Odaǵynyń tóraǵasy Mereke Qulkenov.
Sonymen birge Joldaý azamattardyń ómir súrý sapasyn jaqsartyp qana qoımaı, úlken isterge izashar bolatynyny aıtyldy.
«Joldaýdy túgel oqyp shyqtyq. Buqaralyq aqparat quraldaryna óz oı-pikirlerimizdi bildirip kelemiz. Kreatıvti ındýstrıa degen ıgi bastama kóterildi. Jalpy halyq yntymaq birlikpen qımyldasa is ónedi», - dedi jazýshy-dramatýrg Sultanáli Balǵabaev.