Jazǵy Paralımpıanyń jetinshi kúni jemisti boldy, dep habarlaıdy aqshamnews.kz.
Para paýerlıftıng
Erler arasynda 54 kg salmaq dárejesinde synǵa túsken Davıd Degtárev 188 kg salmaqty eńserip, eki dúrkin Paralımpıada chempıony atandy. Bul – Parıjde ulttyq qurama qorjynyna túsken alǵashqy altyn medal.
Áıelder básekesinde 45 kg salmaqta óner kórsetken Tursynaı Qabyl 95 kg nátıjemen 6-orynnan kórindi.
Para jeńil atletıka
Iadro laqtyrýdan F36 sanatynda baq synaǵan Dastan Muqashbekov qola medal jeńip aldy. Onyń nátıjesi – 16 metr. Bul – Azıa qurlyǵynyń jańa rekordy.
Para júzý
Zúlfıa Ǵabıdýllına 50 metrge bras ádisimen júzýde 10-orynǵa turaqtady. Onyń ýaqyt kórsetkishi – 1:12.07 sekýnd.
Voleıboldy otyryp oınaý
Qazaqstan quramasy Brazılıa sportshylarynan 3:0 esebimen basym túsip, XVII jazǵy Paralımpıa oıyndaryn 5-orynmen aıaqtady.
Paralımpıadanyń jetinshi jarys kúninen keıin Qazaqstan quramasynyń qorjynynda 1 altyn, 1 kúmis, 1 qola júlde bar.