Bokstan Parıj Olımpıadasynyń fınalynda 80 kelidegi Nurbek Oralbaı Ýkraına ókili Aleksandr Hıjnáktan utylǵanyn habarlaǵanbyz.
Kúmis júldeger Nurbek Oralbaı Olımpıada chempıonynan da kóp syıaqy alady, dep habarlaıdy aqshamnews.kz
Parıjde qarsylas bolǵan qos sportshynyń Olımpıadadaǵy jetistigi úshin syıaqysy:
Nurbek Oralbaı:
- Parıj Olımpıadasynyń aldynda tek IBA (Halyqaralyq boks federasıasy) men IAAF (Halyqaralyq áýesqoı jeńil atletıka federasıasy) ǵana júldege ilikken sportshylarǵa arnaıy syıaqy beretindigin málimdegen edi. Osy derekke sensek, kúmis júlde alǵan úshin IBA Nurbek Oralbaı men jeke bapkeri 25 myń AQSH dollar beredi.
- Sáýir aıynda Qazaqstan boks federasıasy da Parıj Olımpıadasynyń júldegerlerin marapattaıtyndyǵyn málimdegen edi. Endi Nurbek Oralbaı kúmis júlde alǵany úshin federasıa tarapynan 120 myń AQSH dollar alady.
- Memleket tarapynan zańda kórsetilgendeı, Nurbek Oralbaı 150 myń AQSH dollary men 2 bólmeli páterge ıe bolady.
Aleksandr Hıjnák:
- Parıj Olımpıadasynda jarqyn boksymen kópshilikti súısintken Ýkraına boksshysy Aleksandr Hıjnák altyn júlde úshin memleket tarapynan 125 myń AQSH dollaryn alady.
- Budan bólek, kásipqoı bokstan asa aýyr salmaqtaǵy absolútti álem chempıony Aleksandr Ýsık te Olımpıada chempıonyna 80 myń AQSH dollaryn syılaýǵa ýáde bergen.
- Ýkraına tarapy IBA uıymdastyrǵan 2021 jáne 2023 jylǵy álem chempıonatyna qatysýdan bas tartqan. Sondyqtan Aleksandr Hıjnák IBA tarapynan syıaqy almaıdy.