Sottalýshy kinásin tolyq moıyndap, shyn júrekten ókinish bildirdi.
Turǵymbaevqa sybaılas jemqorlyq qylmys belgilerinsiz aıyp taǵylǵandyqtan, QK 63-baby negizinde taǵaıyndalǵan jazany shartty dep sanaý týraly sheshildi, dep habarlaıdy aqshamnews.kz
Astananyń qylmystyq ister jónindegi aýdanaralyq soty aýyr zardaptarǵa ákep soqqan bılikti asyra paıdalandy dep aıyptalǵan eks-mınıstr Erlan Turǵymbaevqa qatysty qylmystyq isti qarady.
Bul is "QUPIA" degen belgimen kináni moıyndaý nysanynda is júrgizý kelisimimen kelip tústi. Sondyqtan onyń qaralýy jabyq sot otyrysynda ótti.
Sotta prokýror aıypty qoldap, sottan 5 jylǵa bas bostandyǵynan aıyrý jazasyn taǵaıyndaýdy surady.
Bul rette QK-niń 63-baby negizinde jazany probasıalyq baqylaýdy belgileı otyryp, sol merzimge shartty túrde dep aıqyndaýdy surady.
Sot úkimimen T. QR QK 362-babynyń 4-bóliginde kózdelgen qylmysty jasaǵany úshin kináli dep tanylyp, 10 jylǵa belgili bir laýazymdardy atqarý quqyǵynan aıyryla otyryp, 5 jylǵa bas bostandyǵynan aıyryldy.
Bul rette sot sottalýshynyń kinásin moıyndaýyn, onyń shyn júrekten ókinýin jáne alǵash ret qylmys jasaýyn da eskerdi.
QK 49-babynyń 2-bóligine sáıkes sot Qazaqstan Respýblıkasynyń Prezıdentine arnaýly ataqtan jáne memlekettik nagradalardan aıyrýǵa usynys engizý týraly sheshim qabyldady.