Óńirlik komýnıkasıalar qyzmetiniń brıfıńinde stýdentterdiń turýy men oqýy úshin qolaıly jaǵdaı jasaýdyń mańyzdylyǵy týraly Almaty qalasy Jastar saıasaty basqarmasy basshysynyń mindetin atqarýshy Azız Kajdenbek habarlady.
Almatyda 35 JOO ornalasqan, onda 199 myńnan astam stýdent oqıdy, onyń 124 myńy ózge qaladan (62%). Jataqhanalardyń tapshylyǵy 28,7 myń tósek-oryndy quraıdy, dep habarlaıdy aqshamnews.kz
“Jol kartasy aıasynda 2025 jyldyń sońyna deıin 12 myń tósek-oryn, al 2030 jyldyń sońyna deıin taǵy 20 myń tósek - oryn qurý josparlanǵan, bul jataqhana tapshylyǵy máselesin tolyǵymen sheshýge múmkindik beredi”, - dedi Azız Kajdenbek.
Jataqhana qurylysyn tıimdi úılestirý úshin 2023 jyldyń naýryz aıynda ákimdik QR Ǵylym jáne joǵary bilim mınıstrligimen birlesip jobalyq keńse iske qosty.
İske qosylǵan sátten bastap jobalyq keńsege 120 áleýetti ınvestor júgindi.
ÓKQ spıkeri búgingi tańda Memleket basshysynyń tapsyrmasy boıynsha Almaty jáne Astana qalalaryndaǵy stýdenttik jataqhanalarǵa arnalǵan ǵımarattardy qaıta jańartý kezinde memlekettik tapsyrystyń kólemin jylyna bir tósek-oryn úshin 92 AEK-ten 184 AEK-ke deıin 6 jyl ishinde ulǵaıtý jumystary júrgizilip jatqanyn atap ótti.
2024 jyly 5 752 tósek-orynǵa arnalǵan 11 nysandy paıdalanýǵa berý josparlanýda. Onyń ishinde 1200 tósek-orynǵa arnalǵan 4 nysan aǵymdaǵy jyldyń tamyz aıynda iske qosylady.