Almaty sırki, haıýanttar baǵy men N.Sas atyndaǵy balalar men jasóspirimderge arnalǵan akademıalyq orys teatry qaıta jańartylady
Almaty qalasyn damytýdyń 2025 jylǵa deıingi jáne 2030 jylǵa deıingi orta merzimdi perspektıvalar baǵdarlamasynyń júzege asý barysy týraly ÓKQ brıfıńinde qala ákiminiń orynbasary Arman Qyryqbaev aıtty. Onyń aıtýynsha, jańa mádenı nysandardy ashý, sondaı-aq burynnan bar nysandardy qaıta jańartý josparlanǵan, dep habarlaıdy almaty-akshamy.kz.
Qalada 20 kitaphana, «Raıymbek batyr» mýzeı kesheni, «Boraldaı saq qorǵandary» arheologıalyq park bazasynda saq mádenıet ortalyǵy, «Jańa ǵasyr» jastar teatryyn ashý josparlanýda. Sondaı-aq Qazaq memlekettik sırkin, Almaty haıýanattar baǵyn, N. Sas atyndaǵy Memlekettik balalar men jasóspirimderge arnalǵan akademıalyq orys teatryn qaıta jańartý josparlanǵan.
Sonymen qatar, tarıhı-mádenı qundylyqtardy saqtaý maqsatynda A.Baıtursynuly mýzeı-úıin qalpyna keltirildi, D. Qonaev murajaıyna kúrdeli jóndeý júrgizilip, ekspozısıalary jańartyldy. Ǵ. Músirepov mýzeı-úıi qaıta ekspozısıalanyp, S. Muqanov mýzeı-úıiniń ekspozısıasy jańartyldy.
Arman Qyryqbaev mádenıet nysandarynyń tapshylyǵyn eskere otyryp, Alataý, Naýryzbaı, Jetisý jáne Túrksib aýdandarynda zamanaýı kovorkıng-ortalyqtar formatynda jańa kitaphanalar ashý josparlanýda. Ol úshin jyl sońyna deıin 5 úı-jaı satyp alynady.
Jańa kitaphanalarda kovorkıng-ortalyqtyń, kitaphananyń, ár túrli sheberlik synyptaryn uıymdastyratyn shyǵarmashylyq aımaqtyń, kreatıvti is-sharalar tusaýkeseri men dárister aımaǵynyń jumysy kózdeledi. Jyl sońyna deıin 2 kitaphanany jańǵyrtý josparlanýda, nátıjesinde jańǵyrtylǵan kitaphanalardyń kórsetkishi 90% - dy quraıdy.
Sondaı-aq, A.P.Chehov atyndaǵy Ortalyq qalalyq kitaphana bazasynda kitaphana prosesterin avtomattandyrýǵa múmkindik beretin avtomattandyrylǵan aqparattyq-kitaphanalyq júıe iske qosyldy. Jyl sońyna deıin osy júıege taǵy 4 fılıaldy qosý josparlanýda.