Bul týraly Almaty polısıa departamenti ókilderi málimdedi.
Nómiri kórinbeıtin kólik júrgizýshisi jazalanýy múmkin, dep habarlaıdy Almaty-akshamy.kz
Qys mezgilinde keıbir júrgizýshiler kóliktegi memlekettik nómirdi tazalaý keregin eleı bermeıdi.
Mundaı kólik júrgizýshilerine Ákimshilik quqyqbuzýshylyq týraly kodekstiń 590-baby, 1-bóligi «Kólik quraldaryn paıdalaný erejelerin buzý» boıynsha aıyppul salynady.
«Kórinbeıtin nemese ulttyq standart talaptaryna sáıkes kelmeıtin, belgili bir oryndardan basqa jerge ornatylǵan memlekettik tirkeý nómirleri bar kólikti tizgindeý bes aılyq eseptik kórsetkish mólsherinde aıyppul salýǵa ákep soǵady», - delingen bapta.
Aıta keteıik, 2023 jyly 1 AEK - 3 450 teńgege teń. Osylaısha, 17 250 teńge kóleminde aıyppul tóleýge týra keledi. Buǵan deıin áleýmettik jelilerde memlekettik nómirin qar basqan kóliktiń vıdeosy paıda bolǵan edi.
«Jergilikti polısıa basqarmasy kólik júrgizýshisin anyqtaý jáne ony jaýapkershilikke tartý boıynsha tekseris bastady», - dedi Almaty polısıasy ókili.