A.Nupbaı men A.Arystanbekova 18 jasqa deıingiler arasynda elimizdegi eń tabysty jup bolyp sanalady.
Bul týraly Qazaqstan tenıs federasıasynan málim etti, dep habarlaıdy Almaty-akshamy.kz QazAqparatqa silteme jasap.
Qazaqstandyqtar Aııa Nupbaı men Asyljan Arystanbekova Úndistan astanasy Delıde ótken ekinshi sanattaǵy J200 DELHI jarysynyń jeńimpazy atandy.
Olar fınalda taılyq dýetti 6:3, 6:2 esebimen tize búktirdi.
Ótken jyly qazaqstandyq jup ITF Juniors serıasynda jeti týrnırde úzdik shyqqan bolatyn. Barlyǵy olar osymen 10 tıtýlǵa qol jetkizdi.
«Jyl basynda jeńiske jetken mańyzdy. Qazirgi deńgeıime rızamyn, budan keıin de babymda bolamyn dep oılaımyn. Asyljanǵa rahmet, dodada qıyn machtar boldy. Biz sodan sátimen shyǵa bildik», - dedi A.Nupbaı.
«Bul - Aııa ekeýmizdiń onynshy tıtýlymyz. Jańa maýsym basyndaǵy tabys tyń jetistikterge jeteleıdi, kúsh beredi. Federasıa men Team Kazakhstan akademıasynyń barlyq bapkerlerine alǵys aıtamyz», - dedi A.Arystanbekova.