Jambyl oblysynyń eki turǵyny qalanyń Almaly jáne Bostandyq aýdandarynda júrgen.
Jaı júrip qoımaı, bótenniń páterlerine kirip, zattardy urlaǵan. Qylmystyq juptyń 10 urlyqqa qatysy bar, dep habarlaıdy Almaty-akshamy.kz Polisia.kz-ke silteme jasap.
«Qaskóıler standartty tizbek boıynsha áreket etti. Olar aýlalardy aralap, kóp qabatty úılerdiń terezeleri men kireberisterin qarap, páterde bireýdiń bar-joǵyn tekserdi, kireberiske kirip, kilt tańdaý nemese qulypty buzý arqyly páterge kiretin esikti ashyp, úıdegi qundylyǵy bar zattardyń bárin alyp shyqty. Bul – qolma-qol aqsha, shaǵyn tehnıka, ártúrli zergerlik buıymdar. Bireýi bóten adamnyń úıinde ıelik etip júrgende, ekinshisi kólikte kútip otyrǵan», – deıdi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Spıkerdiń aıtýynsha, Bostandyq aýdandyq PB KPB arnaıy tobynyń qyzmetkerlerimen jáne polısıanyń arnaıy jasaǵynyń kómegimen jedel-izdestirý is-sharalary barysynda 1996 jyly týǵan S.esimdi azamat jáne onyń serigi 2000 jylǵy S.esimdi azamat ustaldy.
Sońǵy urlyqta páterden sıfrlyq tehnıka men qarajat joǵalyp ketti. Kúdiktiler zattaı aıǵaqtardan qutylyp úlgermedi. Olar ustaý kezinde tárkilendi jáne qylmystyq iske qosyldy. Qazirgi ýaqytta “qylmystyq dýettiń” músheleri ýaqytsha ustaý ızolátoryna qamaldy. QR QK-niń 188-baby 3-bóligi boıynsha sotqa deıingi tergeý amaldary júrgizilýde.
«Aıtpaqshy, buryn kúdiktilerdiń zańǵa qatysty máseleleri bolǵan. Al ustalǵandardyń biri Qazaqstannyń basqa aımaqtarynda birqatar urlyq jasaǵany úshin halyqaralyq izdeýde bolǵan. Qazir ekeýiniń de jalpy qala aýmaǵynda buryn jasalǵan osyǵan uqsas qylmystarǵa qatysy bar-joǵy tekserilip jatyr», – dedi Qýatbek Naýatov.