30 qarasha kúni “Nomad Fighting” erejesi boıynsha ashyq týrnır ótti.
Basty kezdesýde qazaqstandyq Muratbek Qasymbaı men reseılik Isa Isaev kezdesip, jekpe-jek ótkizdi, dep habarlaıdy aqshamnews.kz
Jekpe-jek aldynda jáne tanystyrý kezinde sportshylar mını-sterdaýn jasap turdy. Bul olardyń múmkindiginshe erterek judyryqtasýǵa daıyn ekendigin kórsetti. Birinshi raýndtyń basynda Muratbek Qasymbaı basymdyq tanytyp otyrdy. Biraq birneshe soqqydan keıin ol kóziniń ústinen jaraqat aldy. Osydan keıin Isaev "bılikti" óz qolyna alyp, alǵashqy raýndta belsendi áreket etti. Ekinshi raýndta Muratbek bekfıst jasap kórýge tyrysty, biraq ol dál tımedi. Isaev belsendi túrde shabýyl jasap, jıi uryp, kombınasıalardy tıimdi qoldandy. Raýndtyń sońynda reseılik aýyr soqqy jasap, 1-1 bolyp teńesti.
Úshinshi raýndty Isaev jaqsy bastady. Biraq Muratbek birneshe qatty soqqyny ótkizip aldy. Osy ýaqytta Isaev shabýylyn odan ári údetip, upaı aıyrmasyn ulǵaıtty. Muratbektiń jarasy tereńdep, qan toqtamady.
Tórtinshi raýnd aldyńǵylaryna qaraǵanda tynysh ótti. Óıtkeni eki sportshy da sharshady, soqqylar az boldy. Kópshilik Muratbekke qoldaý kórsetip, ony aıqaılap kótermeledi. Isaevtyń jekpe-jektegi dál soqqylary kóbeıe berdi.
Besinshi raýndta eki sportshy da asa saqtyq tanytyp, bir-biriniń árbir judyryǵyn ańdyp baqty. Degenmen, Isaevtyń belsendiligi kózge kórinip turdy. Nátıjesinde, qazylar alqasy reseılik Isa Isaevtyń paıdasyna birjaqty sheshim qabyldap, ol jeńimpaz atandy.
Osylaısha, Isa Isaev “Nomad Fighting” týrnıriniń basty jekpe-jeginde jeńiske jetti.