Respýblıkada órtterdiń aldyn alý maqsatynda 1 jeltoqsannan bastap Tótenshe jaǵdaılar mınıstri general-maıor Shyńǵys Árinov «Órt qaýipsizdigi aılyǵyn» jarıalady, dep habarlaıdy aqshamnews.kz.
Aılyq sheńberinde jylytý kezeńinen jáne aldaǵy merekelerden (Táýelsizdik kúni jáne jańa jyl kúni) qaýipsiz ótýge baǵyttalǵan is-sharalar kesheni josparlanǵan, onyń ishinde:
- turǵyn úı sektoryndaǵy órt qaýipsizdigi máseleleri boıynsha azamattardy habardar etý;
- adamdardyń jappaı bolýymen obektilerde evakýasıalyq jattyǵýlar ótkizý;
- jańa jyldyq is-sharalardy uıymdastyrý kezinde órt qaýipsizdigi talaptaryn túsindirý boıynsha adamdar jappaı bolatyn obektilerdiń ıelerimen kezdesýler ótkizý;
- jańa jyldyq merekelik is-sharalar, onyń ishinde salút ótkizý jáne pırotehnıkalyq buıymdardy satý oryndarynda profılaktıkalyq is-sharalar ótkizý;
- turǵyn úı qorynda órt habarlaǵyshtaryn, ýly gaz dachıkterin jáne gaz taldaǵyshtardy ornatý monıtorıńi, sondaı-aq olardyń iske qosylý faktileri;
- gaz balondy jabdyqpen jaraqtandyrylǵan kólik quraldaryn qaýipsiz paıdalaný máselelerin jaryqtandyrý;
- jáne t. b.
Barlyq týyndaǵan suraqtar boıynsha siz jaqyn mańdaǵy Tótenshe jaǵdaılar bólimshesine (TJD, TJ basqarmasy men bólimderi) nemese resmı saıtqa júgine alasyz