Kanelo Gennadıı Golovkınmen úshinshi aıqasyna boljam jasady
Tórt salmaq dárejesindegi álem chempıony jáne «pound-for-pound» reıtıńisiniń burynǵy kóshbasshysy meksıkalyq Saýl Alvares 18 qyrkúıekte Las-Vegasta (AQSH) ótetin qazaqstandyq Gennadıı Golovkınmen úshinshi aıqasy nokaýtpen aıaqtalady dep esepteıdi, dep habarlaıdy Almaty-akshamy.kz Sports.kz saıtyna silteme jasap.
«Bizdi jaqsy jekpe-jek kútip tur. Golovkın – keremet jáne qaýipti qarsylas. Biraq, men nokaýtqa jiberemin dep oılaımyn, oǵan esh kúmán joq. Oǵan yntam zor. Rıngke oralatyn kúndi asyǵa kútip júrmin. Bar kúshimdi salyp jattyǵyp jatyrmyn. Nokaýt – bul aıqastyń jalǵyz múmkin nátıjesi», - dedi Saýl Alvares jýrnalısermen kezdesýde.
Eske salaıyq, Kanelo men Gennadıı Golovkınniń birinshi aıqasy 2017 jyly ótip, teń nátıjemen aıaqtaldy. Remach 2018 jyly boldy jáne onda Alvares tóreshilerdiń basym daýysymen jeńiske jetti.