Hattamaǵa Halyqaralyq Túrki akademıasyna múshe memleketter, ıaǵnı Túrkıa, Ázirbaıjan, Qazaqstan jáne Qyrǵyzstan taraptary qol qoıdy.
Baýyrlas elderdiń bilim berý salasyndaǵy yntymaqtastyqty arttyrýǵa baǵyttalǵan oqýlyqtar túrkitildes memleketterdiń basshylarynyń samıtinde berilgen tapsyrma boıynsha ázirlendi, dep habarlaıdy Almaty-akshamy.kz.
Nur-Sultan qalasynda Halyqaralyq Túrki akademıasynyń Ǵylymı keńesi mektep baǵdarlamasyna «Ortaq túrki tarıhy», «Ortaq túrki ádebıeti», «Túrki áleminiń geografıasy» oqýlyqtaryn engizý týraly sheshim qabyldady.
Baýyrlas elderdiń bilim berý salasyndaǵy yntymaqtastyqty arttyrýǵa baǵyttalǵan oqýlyqtar túrkitildes memleketterdiń basshylarynyń samıtinde berilgen tapsyrma boıynsha ázirlendi.
2021 jyly Ystanbulda ótken Ǵylymı keńestiń 4-otyrysynda Túrkıa bastamasy boıynsha sarapshylar kezdesý ótkizgen bolatyn. Nátıjesinde olar «Ortaq túrki tarıhy», «Ortaq túrki ádebıeti» jáne «Túrki áleminiń geografıasy» oqýlyqtarynyń mátinderin maquldady.
XV ǵasyrǵa deıingi túrki halyqtarynyń tarıhy jazylǵan «Ortaq túrki tarıhy» oqýlyǵy 7 bólimnen turady. Onda túrki halyqtarynyń tarıhy egjeı-tegjeıli baıandalǵan.
«Túrki áleminiń geografıasy» oqýlyǵynyń mazmuny jalpy túrki áleminiń geografıalyq beınesin qalyptastyrýǵa, túrkilerdiń geografıalyq túsinikteri men ıdeıalaryn zerdeleýge, sondaı-aq táýelsiz túrki elderiniń geografıasyn zertteýge baǵyttalǵan.
«Ortaq túrki ádebıeti» oqýlyǵynda oqýshylarǵa ulttyq ádebıet tarıhy negizinde ortaq túrki ádebıeti men ortaq mádenı qundylyqtar týraly jazylǵan.
Ǵylymı keńeste qabyldanǵan qorytyndy hattamaǵa sáıkes taraptar ortaq oqýlyqtardyń baǵdarlamalary men mátinderin bekitedi, óz elderindegi orta bilim berý mekemelerinde «Ortaq túrki tarıhy», «Ortaq túrki ádebıeti» jáne «Túrki áleminiń geografıasy» pánderiniń engizilýin qamtamasyz etý jáne oqýshylar arasynda olardy tanymal etý úshin túrli is-sharalar uıymdastyrmaq.