Beldesý barysynda qazaqstandyq balýan jınaqy qımyl kórsetti
Búgin, 12 sáýirde, Astana qalasynda áıelder kúresinen Azıa chempıonatynyń ekinshi oıyn kúninde Nılýfar Raımova (57 keli) qola aldy, dep habarlaıdy Almaty-akshamy.kz QazAqparatqa silteme jasap.
Ol 3-oryn úshin saıysta qyrǵyzstandyq Bermet Nýrıdınqyzymen kezdesti. Beldesý barysynda qazaqstandyq balýan jınaqy qımyl kórsetti. Nátıjesinde qarsylasynan 7:0 esebimen basym tústi.
Sondaı-aq, búgin el quramasynan Jámıla Baqbergenova (72 keli) japonıalyq Sýmıre Nıkýramen altyn júldeni sarapqa salady.
Al Albına Qaıyrgeldınova (65 keli) qola júldege talasady. Qarsylasy - úndistandyq Manısha Manısha.
Eske salsaq, áıelder kúresinen jarystyń alǵashqy kúninde el quramasynan Elmıra Syzdyqova (76 keli) chempıon atansa, Marına Sedneva (55 keli), Elena Shalygına qola aldy.