Kanada men AQSH-tyń shekarasynda ornalasqan áıgili Nıagara sarqyramasy Qazaqstan týynyń túsine boıaldy.
Osylaısha Respýblıka kúninde myńdaǵan týrıs álemdegi eń kórikti jerleriniń birinen elimizdiń baıraǵyn tamashalady. Arnaıy jaryq berý qurylǵylary arqyly kók sary túske engen sarqyramanyń erekshe beınesi bir sátke týrıserdi tánti etti, dep habarlaıdy Almaty-akshamy.kz
Sonymen qatar, Respýblıka kúnine oraı Kanadanyń eki birdeı qalasynda Qazaqstan týy kóterildi. Torontoda jáne alǵash ret Kalgarı qalasynda kók baıraǵymyz jelbiredi.Bul sharalar qos memlekettiń arasyndaǵy joǵary dıplomatıalyq qarym-qatynastyń aıqyn kórinisi ispetti.
AQSHtyń megapolısi Nú-Iorkte de elimizdiń ánurany shyrqalyp, kók baıraǵy kóterý rásimi ótti. Saltanatty sharaǵa qala meri Erık Adams qatysyp elimizdi merekemen quttyqtady. Sondaı-aq Gennadıı Golovkınniń jankúıerleri, qazaqstandyq stýdentter men otandastyrmyz da keldi.
«Nú-Iorktegi qazaqtar qaýymdastyǵy uıymshyl ári myqty bıznes ıeleri. Olar otbasylyq qundylyqty joǵary qoıatyn, qoǵamdyq qaýipsizdikke úlken mán beretin tamasha azamattar. Sondyqtan týdy kóterip qurmet kórsetkenimizge qýanyshtymyz», - deıdi Nú-Iork qalasynyń meri Erık Adams.