«Tórt toqsan – tórt óner» ulttyq mádenı-aǵartýshylyq jobasy aıasynda Oqý-aǵartý mınıstrligine qarasty Respýblıkalyq qosymsha bilim berý oqý-ádistemelik ortalyǵynyń uıymdastyrýymen «Aqyndar aıtysy» respýblıkalyq baıqaýy ótti.
Qazaq halqy ejelden sóz sheberlerin, aıtys ónerin meńgergen adamdardy asa qurmetteıdi. Aqyndar - jaı ǵana sóz sheberi emes, olar tereń bilim men ónerdiń naq ıesi. Bul janr qazaq ádebıeti men fólklorynyń quramdas bóligi, sondaı-aq halyq aýyz ádebıetiniń keń taraǵan túrleriniń biri, dep habarlaıdy Almaty-akshamy.kz QR Oqý-aǵartý mınıstrligine silteme jasap.
Respýblıkanyń ár eldi mekenindegi barlyq mektepterde, mektepten tys uıymdarda jáne kolejderde jas sýyryp salma aqyndardyń «Aqyndar aıtysy» aqtyq saıystary ótti.
«Bul sharada 400 myńnan astam oqýshy túrli janrda baq synasyp, naǵyz aqyndyq jekpe-jektiń erekshe kúıin syılady. Baıqaýlar «Bádik», «Jar-jar», «Jumbaq aıtysy», «Qyz ben jigit aıtysy», sondaı-aq «Janýar men adamnyń aıtysy» mánerinde ótti», - dedi RQBOÁO-nyń dırektory Raısa Sher.
Bul baıqaý rýhanı-adamgershilik, estetıkalyq jáne ulttyq turǵydan damýdyń, sondaı-aq balalar men jasóspirimderdiń patrıottyq qundylyqtaryn qalyptastyrýdyń negizgi faktory bolyp tabylady.