QR Oqý-aǵartý mınıstrligine qarasty Respýblıkalyq ǵylymı-pedagogıkalyq kitaphanasy «Kókjıek-Gorızont» baspasymen birlesip uıymdastyrǵan «Úzdik kitaphanashy-2023» baıqaýynyń qorytyndysy shyǵaryldy.
QR Úkimetiniń qaýlysymen 24 qazan – Kitaphanashy kúni bolyp belgilendi. «Úzdik kitaphanashy-2023» baıqaýyna elimizdiń mektepteri men kolejderinen 1300-den astam kitaphanashy qatysty, dep habarlaıdy Almaty-akshamy.kz.
Baıqaý ǵylymı jáne kórkem ádebıetti saqtaý, zertteý jáne nasıhattaý boıynsha ozyq tájirıbelerdi anyqtaýǵa baǵyttalǵan. Jeńimpazdar aqshalaı syılyqtarmen jáne dıplomdarmen marapattaldy: 1 oryn – Qostanaı oblysyndaǵy mekteptiń kitaphanashysy Rımma Egorovaǵa; 2 oryn – Pavlodar qalasyndaǵy № 7 OBM KMM kitaphanashysy Gúljan Týkenovaǵa; 3 oryn – «TAMOS EDUCATION fızıka-matematıka mektebiniń» kitaphanashysyna buıyrdy. Eske salaıyq, QR Úkimetiniń qaýlysymen 24 qazan – Kitaphanashy kúni bolyp belgilengen. Búginde mektep kitaphanashylaryna pedagog mártebesin berý máselesi qarastyrylýda. Budan basqa, bıyl Oqý -aǵartý mınıstrligi jalpy bilim beretin mekemelerdegi 2165 kitaphanashynyń biliktiligin arttyrý kýrstaryn ótkizýdi josparlaýda.