2022 jyldyń úshinshi toqsanynyń qorytyndysy boıynsha barlyq bilim berý uıymdary kórsetken negizgi jáne jalpy orta bilim berý qyzmetteriniń kólemi 444,9 mlrd teńgeni qurady. Bul ótken jylmen salystyrǵanda 12,5%-ǵa artyq.
Qyzmetterdiń barlyq kólemi (97,3%) memlekettik búdjetten qarjylandyryldy: 433 mlrd teńge, oǵan qosa jylyna 12%. Halyqtyń esebinen 10,2 mlrd teńgege (plús 36,9%), kásiporyndar esebinen — 1,7 mlrd teńgege (plús 27,6%) qyzmet kórsetildi, dep habarlaıdy Almaty-akshamy.kz.
Óńirlik bóliniste negizgi jáne jalpy orta bilim berý salasynda qyzmetterdiń eń kóp kólemi Almaty oblysyna tıesili boldy: 48 mlrd teńge — bir jyl burynǵyǵa qaraǵanda 24%-ǵa az. Odan keıin Túrkistan (47,1 mlrd teńge, plús 28,5%) jáne Qyzylorda (30,9 mlrd teńge, plús 28,4%) oblystary kiredi.
Eń az qyzmet Ulytaý (3,1 mlrd teńge), Soltústik Qazaqstan (13,9 mlrd teńge) jáne Atyraý (14,4 mlrd teńge) oblystarynda kórsetildi.
Menshik nysandary boıynsha memlekettik kásiporyndar (431,4 mlrd teńge, plús 12%) eń kóp qyzmet kórsetti. Budan ári jeke kásiporyndar (12,4 mlrd teńge, plús 30,9%) jáne sheteldik kásiporyndar (1,2 mlrd teńge, plús 15,1%).
Kásiporyndardyń mólsheri turǵysynan eń kóp qyzmetterdi orta kompanıalar (245,8 mlrd tg), odan ári shaǵyn (165,7 mlrd tg) jáne iri (33,4 mlrd tg) kásiporyndar kórsetti.
Bıyl qańtar aıynyń qorytyndysy boıynsha orta bilim berý qyzmetteriniń baǵasy bir jylda 9,5%-ǵa ósti.
Baǵanyń ósýin Pavlodar oblysynyń turǵyndary qatty sezindi: birden 26,1%-ǵa ósti. Sondaı-aq aıtarlyqtaı ósim Túrkistan (plús 23,3%) jáne Atyraý (plús 22%) oblystarynda tirkeldi.
Sektordaǵy baǵanyń eń tómen jyldyq ósimi Qaraǵandy jáne Ulytaý oblystarynda tirkeldi - 0,7%.
Aqmola, Aqtóbe, Almaty jáne Jetisý oblystarynda baǵa ózgerissiz qaldy.