Pýlda nebári 761 oryn bolatyny aldyn ala eskertilgen.
Ónerkásipti damytý qorynyń basqarma tóraǵasynyń orynbasary Rınat Ǵapparov avtokólikti nesıelendirý baǵdarlamasy nelikten shekteýli ekenin túsindirdi, dep habarlaıdy Almaty-akshamy.kz
Rınat Ǵapparov pılottyq platformanyń iske qosylýyna bes kún qalǵanda halyqqa bar bolǵany 7,6 mıllıard teńge jınalǵanyn, al nesıeniń maksımaldy somasy 10 mıllıon teńge bolsa, pýlda nebári 761 oryn bolatynyn aldyn ala eskertkenin aıtty.
«Biz qazaqstandyqtarǵa bárine avtokólik nesıesine aqsha bóle almaıtynymyzdy eskerttik. Ol múmkin emes. 761 adam tirkeldi, sondyqtan 761 adam tirkelgennen keıin batyrma istemeı, qate ketkenin kórsete bastady. Baǵdarlamada olqylyq boldy, ony biz retteımiz. Naýryz aıynan bastap aı saıyn iske qosylady. Sol kezde biz olardyń kóbin túzetemiz dep úmittenemin. Biraq biz platformany jetildirý boıynsha únemi jumys atqaramyz, óıtkeni baǵdarlama 30 jyl boıy jumys istep turady, onyń 25 jylynda nesıe beriledi, al sońǵy bes jyl tek óteýge jumsalady jáne sáıkesinshe, biz búkil kezeń úshin jumys isteımiz. Ótinish berýshiler kóp boldy, 761 adam óte jyldam tirkeldi, sáıkesinshe, ótinish berip úlgermegenderde qate kórsetildi», dedi Rınat Ǵapparov.
Spıker platformany qospas buryn úsh júkteme synaǵy júrgizilgenin aıtty.
«Ótinishti qaraý kezeńinde bári bolady, biz shamamen bir ýaqytta mıllıonǵa deıin adam kirýi kerek dep eseptegen edik, óıtkeni biz testileý kezinde baılanys arnasyn keńeıttik, serverler sanyn keńeıttik. Al keshegi jaǵdaı platformamyz tótep bergenin kórsetti, ıaǵnı saıt qulamaı, 761 adam tirkeldi. Osylaısha, platformaǵa qatysty negizgi mindetimiz oryndaldy», - dedi Rınat Ǵapparov.