Keshe Qazaqstan qalalarynyń birinen ushyp shyqqan reısterdiń birinde pılottarǵa úsh túrli núkteden lazer sáýleleriniń baǵyttalǵany anyqtaldy. Mundaı áreketter ushaqta otyrǵandardyń barlyǵyna ólim qaýpin tóndiredi, dep habarlaıdy aqshamnews.kz.
Lazer sáýlesi pılotty ýaqytsha soqyr qylyp, ásirese ushaqtyń ushyp kóterilýi men qonýy kezinde asa qaýipti jaǵdaı týdyrady. Mundaı áreketter apatqa alyp kelý qaýpin eselep arttyrady.
Qazaqstan Respýblıkasynyń Qylmystyq kodeksine sáıkes, mundaı qylmystar úshin qatań jaza qoldanylady, onyń ishinde uzaq merzimge bas bostandyǵynan aıyrý jazasy qarastyrylǵan. Sonymen qatar, kináliler memleketke, azamattarǵa jáne ınfraqurylymǵa keltirilgen zalal úshin materıaldyq jaýapkershilikke tartylady.
Eger siz osyndaı qaýipti áreketterge kýá bolsańyz, ishki ister organdaryna nemese 102 nómiri arqyly dereý habarlańyz!