Almaty ákimi Erbolat Dosaev Bostandyq aýdanynyń turǵyndarymen kezdesýde «GPV Vodsnab» JSHS (burynǵy «Orhan» JSHS) qatysty turǵyndardyń shaǵymdaryna jaýap berdi.
«Alma» kotej qalashyǵynyń turǵyndary «GPV Vodsnab» JSHS-niń sý jetkizýshisine shaǵymdandy, olar qazir osy JSHS-men sot daýlarynyń jaǵdaıynda ekenin, qazirgi ýaqytta turǵyndarda sýmen jabdyqtaý joq ekenin, al kompanıa ókilderi turǵyndarmen kezdesýge kelmeıtinin atap ótti. Qazirgi ýaqytta halyqqa sý tasıtyn kóliktermen jetkiziledi.
«Orhan» JSHS», qazirgi «GPV Vodsnab» JSHS bizde tanys kompanıa-biz bul máseleni sheship jatyrmyz. Suraq nede? Birinshi: «GPV Vodsnab» JSHS Astanada tirkelgen. Qazir Astana boıynsha Tabıǵı monopolıalardy retteý departamentimen biz olardyń tarıftik saıasatyn taldaýdamyz. Olar aqyry ótinish berdi. Biz olardy áli rettegen joqpyz. Ekinshi: biz olardyń áreketterine quqyqtyq baǵa beretin bolamyz. Qyrkúıek aıynyń sońyna deıin bizde aýdıt jáne tekserýler aıaqtalady jáne onyń jelilerimen ne isteý kerektigin sheshemiz. Jalǵyz suraq-jeliler boıynsha problemalardy sheshý», - dep jaýap berdi Erbolat Dosaev.
«GPV Vodsnab» JSHS «Almaty Sý» qalalyq jelilerine qosylǵan, sebebi ol jıi isten shyǵýǵa beıim sý berý úshin sorǵylardy paıdalanady, turǵyndar sýsyz qalady.
«25-30 myń adam «GPV Vodsnab» JSHS-ne tıesili jeliler arqyly sý alady. Biz osy JSHS-ten elektr jelilerin aldyq jáne qazir olardy aıaqtap jatyrmyz. Sýmen jabdyqtaý jelileri qaldy, olar bizge sapa boıynsha da, barlyq jaǵynan da úlken suraqtar týǵyzady. Sondyqtan qyrkúıek aıynyń sońyna deıin biz quqyq belgileıtin qujattardy qarap shyǵamyz sodan keıin ǵana «GPV Vodsnab» JSHS-ne qatysty durys sheshim qabyldaıtyn bolamyz», - dep tolyqtyrdy qala basshysy.