Telegram messendjeriniń negizin qalaýshy Pavel Dýrov óziniń jeke Telegram kanalynda ótken aıda Parıjge kelgen soń, fransýz polısıasy ony tórt kún boıy tergegenin jazdy, dep habarlaıdy aqshamnews.kz.
Dýrov kompanıanyń Eýroodaq suranystaryna jaýap beretin resmı ókili bar ekenin aıtyp, osy jaǵdaıǵa tań qalǵanyn jetkizdi.
Sonymen qatar, Fransıa azamaty bolyp tabylatyn Dýrov, buǵan deıin Birikken Arab Ámirlikterindegi Fransıa elshiligine jıi baryp turǵanyn, biraq osy ýaqytqa deıin fransýz bıligi oǵan eshqandaı suraq qoımaǵanyn atap ótti.
Dýrov Telegram kóptegen eldermen yntymaqtastyq ornatýǵa daıyn ekenin, biraq óziniń prınsıpterinen bas tartpaıtynyn aıtty.
Ol mysal retinde Reseıdiń messendjerden "shıfrlaý kiltterin" berýin talap etkenin, bul talaptyń qabyldanbaǵanyn jáne onyń nátıjesinde Telegram-nyń ýaqytsha buǵattalǵanyn keltirdi. Iran bıligi de narazylyq bildirýshilerdiń arnalaryn buǵattaýdy talap etken, biraq bul suranys ta qabyldanbaǵandyqtan, Telegram Iranda tyıym salyndy.
Sonymen qatar, Dýrov Telegram-dy anarhıser úshin "jumaq" dep ataǵan pikirlerdi joqqa shyǵardy.
Ol kún saıyn mıllıondaǵan zıandy jazbalar men arnalardyń joıylyp jatqanyn, sondaı-aq Telegram-da kúndelikti ashyqtyq esebi júrgiziletinin jáne tótenshe suranystardy jedel óńdeý úshin úkimettik emes uıymdarmen tikeleı baılanys arnalary ornatylǵanyn aıtty.
