Otandasymyz fınalda aljırlik Roýmaısa Boýalmen qolǵap túıistirdi
Kishi álem chempıonaty atanyp ketken Bolgarıa astanasynda ótip jatqan Strandja kýbogy týrnırinde áıelder arasynda qazaqstandyq Nazym Qyzaıbaı chempıon atandy, dep habarlaıdy Almaty-akshamy.kz QazAqparatqa silteme jasap.
50 keli salmaqta el namysyn qorǵaǵan Nazym Qyzaıbaı fınalda aljırlik Roýmaısa Boýalmen qolǵap túıistirdi. Nátıjesinde otandasymyz aıqyn basymdyqpen jeńiske jetip, týnırdiń bas júldesin qanjyǵasyna baılady.
Al 54 keli salmaqta synǵa túsken taǵy bir burymdy boksshymyz Dına Jolaman «Strandja kýboginiń» kúmis júldesin ıelendi.
Ol fınalda sharshy alań ıesi Stanımıra Jolamanmen judyryqtasyp, qarsylasyna jol berdi.
Bul halyqaralyq jarysqa 36 elden 450 boksshy qatysyp jatyr. Olardyń qatarynda Olımpıada, álem jáne Eýropa chempıondary da bar.
Týrnır 28 aqpanda máresine jetedi.