Qazaqstandyq boksshy qyz Bolgarıada ótip jatqan týrnırdiń fınalyna shyqty.
Atalǵan halyqaralyq týrnırde 50 keli salmaqta el namysyn qorǵap jatqan otandasymyz jartylaı fınalda Fransıa boksshysy Roman Mýlaımen judyryqtasyp, qarsylasyn 5:0 esebimen tize búktirdi, dep habarlaıdy Almaty-akshamy.kz
Tóreshiler bir aýyzdan (29:28, 30:27, 29:28, 29:28, 30-27) Qyzaıbaıdy jeńimpaz dep tanydy. Aıta keteıik, álemniń eki dúrkin chempıony Nazym Qyzaıbaı shırek fınalda ıspanıalyq sportshy Laýra Fýertes Fernandespen jekpe-jekke shyǵyp, taǵy da tóreshiler sheshimimen jeńimpaz dep tanylǵan bolatyn.
Bul halyqaralyq jarysqa 36 elden 450 boksshy qatysyp jatyr. Olardyń qatarynda Olımpıada, álem jáne Eýropa chempıondary da bar. Týrnır 28 aqpanda máresine jetedi.