Bul qyzyq ári keleńsiz jaıt Pavlodarda bolǵan.
Mysyqty jolda qaldyrǵan pavlodarlyq áıel jaýapqa tartyldy, dep habarlaıdy Almaty-akshamy.kz Polisia.kz-ke silteme jasap.
Pavlodarda tipavlo.dar Instagram áleýmettik jelisinde jarıalanǵan fotosýret boıynsha polısıa qyzmetkerleri tekserý júrgizdi. Fotosýrettiń astynda júrgizýshi áıel jol boıynda toqtap, mysyqty jolda qaldyrǵany týraly jazylǵan.
«Júrgizýshiniń jeke basy anyqtaldy. Belgili bolǵandaı, qala turǵyny "Rahmet" bazaryna azyq-túlik satyp alýǵa kelgen, kóliktiń esigi ashyq bolǵandyqtan, daladaǵy mysyq salonǵa kirip alǵan. Keıin mysyqtyń daýsyn estip, júrgizýshi mysyqty mashınadan syrtqa shyǵarǵan. Oblys ortalyǵynyń 57 jastaǵy turǵynyna qatysty QR ÁQBtK 408-babynyń 1-bólimi (Aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzý) boıynsha ákimshilik hattama toltyryldy», – dep habarlady Pavlodar oblysy polısıa departamentiniń baspasóz qyzmeti.