Iordanıa astanasy Amman qalasynda bokstan bolyp jatqan Azıa chempıonatynda Nazym Qyzaıbaı qola júldeger atandy.
Kúndizgi sesıada Qazaqstannan alǵashqy bolyp rıngke eki márte álem chempıony Nazym Qyzaıbaı shyqty, dep habarlaıdy Almaty-akshamy.kz QazAqparatqa silteme jasap.
Ol 50 kelige deıingi salmaqta Japonıa eliniń ókili, 2020 jylǵy Tokıo olımpıadasynyń qola júldegeri Namıkı Sýkımımen judyryqtasty.
Nazym osy chempıonatta shırek fınalda mońǵolıalyq Mýngýnsaran Balsanmen qolǵap túıistirgen bolatyn. Jekpe-jek tartysty ótip, tóreshiler 3:2 esebimen jeńisti qazaqstandyq boksshyǵa bergen edi.
N.Qyzaıbaıdyń jartylaı fınaldyq básekesi de qyzý ótti. Qos boksshy aıanyp qalǵan joq. Tóreshiler jeńisti basym daýyspen japonıalyq sportshyǵa berdi.
N.Sýkýmı fınalda vetnamdyq Tı Tam Ngýenmen altyn júldeni sarapqa salady.
Sondaı-aq búgin Azıa chempıonatynda taǵy segiz boksshy qyzymyz fınaldyń joldamasyn sarapqa salady