İİ dárejeli «Dostyq» ordenimen marapattady.
Memleket basshysy Shell plc kompanıasynyń bas atqarýshy dırektory Ben van Berdenmen jáne gaz, JEK, energetıka salalaryndaǵy keshendi sheshimder bólimshesiniń dırektory Ýael Saýanmen kezdesý ótkizdi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Áńgimelesý barysynda munaı-gaz jáne energetıka sektorlaryndaǵy yntymaqtastyqtyń perspektıvalary talqylandy. Qarashyǵanaq jáne Qashaǵan ken oryndaryn odan ári ıgerýge erekshe nazar aýdaryldy.
Qasym-Jomart Toqaev jaqyn arada qyzmetinen bosaıtyn Ben van Berdenge Qazaqstannyń munaı-gaz salasyn damytýǵa qosqan úlesi úshin alǵys aıtty. Sondaı-aq atalǵan kompanıanyń basshylyǵyna keletin Ýael Saýanǵa tabys tiledi. Prezıdent onyń qyzmeti elimizben ózara tıimdi seriktestikti damytýǵa septigin tıgizetinine senim bildirdi.
Kezdesý sońynda Memleket basshysy munaı-gaz ónerkásibin damytýǵa qosqan eleýli úlesi úshin Ben van Berdendi İİ dárejeli «Dostyq» ordenimen marapattady.