Almatylyq tómengi synyp oqýshylaryna jol qaýipsizdigin saqtaý erejeleri túsindirildi
Onyń aıasynda jol qozǵalysy erejeleri boıynsha túrli-tústi broshúralar, býkletter men jadynamalar ázirlendi. Olar qaladaǵy jalpyǵa bilim beretin mektepterdiń bastaýysh synyp oqýshylary arasynda taratyldy, dep habarlaıdy Almaty-akshamy.kz Polisia.kz-ke silteme jasap.
«Maqsat – balalardyń qala kóshelerinde ózin-ózi ustaý erejeleri týraly bilimderin bekitý, kóshede qaýipsiz júris-turysynyń turaqty daǵdylaryn qalyptastyrý, jolda óz áreketteri úshin jaýapkershilik sezimin oıatý. Túsindirý jumystaryna kóp kóńil bólinedi. Bastaýysh synyp oqýshylary arasynda taqyryptyq sabaqtar ótkizildi. Balalar jolda júrý erejeleri týraly bilimderin keńeıtip, tájirıbelerimen bólisti, joldy durys kesip ótý joldaryn aıtty. Sonymen qatar, mektep oqýshylary úshin jol qozǵalysy erejeleri týraly ılústrasıalanǵan boıaǵysh kitaptar, býkletter, broshúralar ázirlendi», – dedi Alataý aýdandyq PB ÁPB-niń aǵa memlekettik jol ınspektory Qýanysh Tábeev.
Ony júzege asyrýdyń júıeli tásili jol qozǵalysy qaýipsizdigin qamtamasyz etýdiń negizgi qaǵıdalarynyń biri bolyp jarıalandy. Bilim berý mekemeleri balalardy oqytý, tárbıeleý júıesiniń negizgi býyndary sanalady jáne jol qozǵalysy qaýipsizdigi máselelerin sheshýge jan-jaqty kómek kórsetedi.
«Jyl saıyn qalada kólikter kóbeıip keledi. Al keıde joldardaǵy jaǵdaı ońaı emes. Sondyqtan balalardyń ómiri men densaýlyǵyn saqtaý – polısıanyń basty mindetteriniń biri. Biz olardy qorǵaý úshin jáne kóshelerde, joldarda, kólikte qaýipsiz júris-turystyń qajetti bilimderin, daǵdylaryn, ádetterin qoljetimdi joldarmen jetkizý úshin barlyǵyn jasaýǵa mindettimiz», – dedi Tábeev.