Atalmysh organ 1997 jyly qurylǵan.
Memleket basshysy Qasym-Jomart Toqaev 2023 jylǵy 27 qańtardaǵy «QR Prezıdentiniń janyndaǵy Adam quqyqtary jónindegi komısıa týraly» QR Prezıdentiniń 2003 jylǵy 19 naýryzdaǵy № 1042 Jarlyǵyna ózgerister engizý týraly» qujatqa qol qoıdy, dep habarlaıdy Almaty-akshamy.kz
Sonymen Qazaqstan Respýblıkasy Prezıdentiniń janyndaǵy Adam quqyqtary jónindegi komısıanyń quramyna kirgender:
Alaýhanov Esbergen Orazuly – «Naýka ı jızn Kazahstana» halyqaralyq ǵylymı jýrnalynyń bas redaktory (kelisim boıynsha);
Beısembaev Ǵanı Bektaıuly – Qazaqstan Respýblıkasynyń Bilim mınıstri;
Esqaraev Azamat Nesipbaıuly – Qazaqstan Respýblıkasynyń Ádilet mınıstri;
Artýr Ermekuly Lastaev - Qazaqstan Respýblıkasyndaǵy Adam quqyqtary jónindegi ýákil (kelisim boıynsha);
Nurbek Saıasat – Qazaqstan Respýblıkasynyń Ǵylym jáne joǵary bilim mınıstri;
Asqat Razdyquly Oralov – Qazaqstan Respýblıkasynyń Mádenıet jáne sport mınıstri;
Hasanova Shahnoza Kýlabdýlaevna - «Sana Sezim» áıelder bastamalarynyń quqyqtyq ortalyǵy» qoǵamdyq birlestiginiń dırektory (kelisim boıynsha);
Ýdarsev Sergeı Fedorovıch - Qazaqstan Respýblıkasy Konstıtýsıalyq Sotynyń sýdıasy (kelisim boıynsha).
Myna tizimdegiler komısıa quramynan shyǵaryldy:
Mádenıet jáne sport eks-mınıstri Dáýren Abaev;
Konstıtýsıalyq sot tóraǵasy Elvıra Ázimova;
Konstıtýsıalyq Keńestiń burynǵy múshesi Iogan Merkel;
Konstıtýsıalyq Sottyń sýdıasy Qanat Mýsın;
Konstıtýsıalyq sottyń sýdıasy Erkin Ońǵarbaev.
2022 jyldyń 29 jeltoqsanynda Elvıra Ázimova QR Konstıtýsıalyq sotynyń tóraǵasy bolyp taǵaıyndaldy. Buǵan deıin ol Adam quqyqtary jónindegi ýákil qyzmetin atqarǵan.
2022 jylǵy 30 jeltoqsanda Qanat Mýsın QR Ádilet mınıstri qyzmetinen bosatyldy. Sol kúni ol jańa qyzmetke ıe boldy - ol Konstıtýsıalyq sottyń sýdıasy bolyp saılandy. Erkin Ońǵarbaev Konstıtýsıalyq sottyń sýdıasy bolyp saılandy.
2023 jyldyń 4 qańtarynda Dáýren Abaev Mádenıet jáne sport mınıstri qyzmetinen bosatyldy. Ony bul qyzmette Asqat Oralov almastyrdy.