Elimizdiń mınıstrleri endi ashyqtyǵymen baǵalanatyn boldy.
Aqparat jáne qoǵamdyq damý mınıstri Darhan Qydyráli vedomstvo basshylary endi halyqqa ashyqtyǵy boıynsha baǵalanatynyn aıtty, dep habarlaıdy Almaty-akshamy.kz
Mınıstrdiń aıtýynsha, Úkimettiń 2022 jylǵy 9 tamyzdaǵy otyrysynda Premer-Mınıstr keńester aıasynda birqatar tapsyrma berip, olar belgilengen merzimde oryndalǵan.
«Mysaly, jańa ındıkator ázirlenip, memlekettik organdar qyzmetiniń ashyqtyq dárejesin baǵalaý ádistemesiniń jobasyna «Halyqpen kezdesý» engizildi. Endi mınıstrlerdiń halyqpen kezdesýi men onyń nátıjesin bizdiń departament baǵalaıdy. Sonymen qatar qaýly talaptaryna saı Úkimettiń qaýlysymen (2022 jylǵy 31 jeltoqsandaǵy № 1135) ortalyq atqarýshy organdar basshylarynyń 2023 jylǵa arnalǵan halyqpen kezdesýler kestesi bekitilgenin atap ótemin», - dedi Darhan Qydyráli.
Bul rette mınıstr birqatar usynys jasady:
Mádenıet úıleri men Ortalyq komýnıkasıalar qyzmetiniń saıttarynda halyqpen kezdesýlermen shektelip qalmaı, memlekettik organdarǵa azamattardyń ótinishi aıasynda kórsetilgen problemalyq aımaqtarǵa barý.
Ortalyq atqarýshy organdardyń saıttarynda ǵana emes, sonymen qatar jergilikti jerlerde, ásirese, óńirlik BAQ-ta jáne tanymal qoǵamdyq jáne messendjer toptarynda mınıstrlerdiń óńirlerge issaparlary týraly habarlandyrýlardyń jıi jarıalanýyn qamtamasyz etý.
Qaýly talaptaryna saı, mınıstrlermen qatar vıse-mınıstrler men vedomstvo tóraǵalarynyń da óńirlerge issaparmen barýy mindetteledi.
Darhan Qydyráliniń aıtýynsha, bekitilgen keste mınıstrlerdiń saparyn retteıdi. Sondyqtan memlekettik organdar vıse-mınıstrler men komıtet tóraǵalarynyń otyrystarynyń vedimistik josparyn bekitip, mınıstrlerdiń otyrysymen birge ár otyrys týraly Aqparat jáne qoǵamdyq damý mınıstrligine esep berýi qajet.